Ágúst námskeið fyrir unglinga

Síðasta unglinga námskeið sumarsins hefst í næstu viku eða mánudaginn 30. júlí. Boðið verður upp á 2 námskeið, hægt verður að velja 1 viku eða 2 vikur.

Vika 1 (Mán 30.júlí – fim 2. Ágúst (4 æf)) krónur 5.000.-

Vika 2 (þri 7. Ág – 10. Ágúst(4 æf)) krónur 5.000.-

2 vikur (báðar) (8 æfingar) 10.000.- krónur

Æfingar eru kl. 11.30 upp á Kaplakrika á hlaupabrautinni, og er hver æfing klukkutími.

Takmarkaður fjöldi er á æfingarnar.

Fókusað verður á hraðaþjálfun, hlaupastíl, og styrktarþjálfun/sprengikraft. Á æfingum munum við vinna í stílþjálfun, spretta (í allar áttir), og enda svo á styrktarþjálfun. Æfingarnar verða fjölbreyttar og skemmtilegar, ásamt því að vera lærdómsríkar. Ég mun einnig afhenda heimaprógram í lok námskeiðisins.

Í vetur verð ég svo með unglinganámskeið 1x í viku í 6 vikur, meira um þá á næstunni.

Skráning er hafin í silja@siljaulfars.is , sendu mér einnig línu ef þú hefur einhverjar spurningar.

Snerpu kveðja
Silja Úlfars

Hér eru myndir úr júní námskeiðinu :)

Sumaræfingar fyrir unglinga - Auka námskeið!

Sæl öll :)

Í næstu viku hefst Sumarnámskeiðið mitt fyrir unglinga, og ég hlakka ekkert smá til að hitta fullt af skemmtilegum metnaðarfullum íþróttamönnum!

Nú eru öll námskeiðin að fyllast, svo hver er að verða síðastur að skrá sig, en ég vil ekki hafa of marga í einu á hverju námskeiði þar sem gæðin skipta mig miklu máli!

Námskeiðin eru 2x í viku - mánudaga og miðvikudag frá kl. 11.00-12.00, eða kl. 12.00-13.00

Einnig hef ég ákveðið að bæta við námskeiði í hádeginu á þriðjudögum og miðvikudögum kl. 12.00-13.00 fyrir 16-18 ára.

Námskeiðið kostar 14.900 krónur.

Ef þú hefur áhuga þá sendu mér línu fyrr en síðar á silja@siljaulfars.is, en einnig er hægt að finna fleiri upplýsingar um þetta hér:

 http://siljaulfars.blogspot.com/p/sumarfingar-fyrir-unglinga.html

En æfingarnar verða fjölbreyttar þar sem við fókusum á hlaupastíl, hraða, læra að gera æfingarnar rétt, meiðsla fyrirbyggjandi, styrktarþjálfun - en allt saman gerum við utanhúss á hlaupabrautinni í Kaplakrika!

Tímataka í fyrstu og síðustu æfingunni svo við sjáum hvað við bætum okkur mikið á aðeins 4 vikum :)

Hlaupa kveðja

Silja Úlfars :)

Sumaræfingar fyrir Unglinga

Sumaræfingar Silju Úlfars – fyrir unglinga

Hefurðu metnað og vilt bæta þig? Taktu þá réttu aukaæfinguna! Silja Úlfars verður með Námskeið fyrir unglinga í júní sem fókusar á að bæta hraðann, hlaupastílinn og styrkja sig.

Íþróttamenn í dag eru alltaf að skilja betur og betur að það þarf að gera meira en það sem gert er á íþróttaæfingunum, eins og að hlaupa hraðar í allar áttir (og betur), vera sneggri, geta hoppað hátt og lent rétt, forðast meiðsli, ásamt því að borða hollan mat og hvílast vel.

Undanfarin ár hef ég verið að þjálfa unglinga og fullorðna íþróttamenn með góðu gengi, en núna ætla ég í fyrsta sinn að bjóða upp á námskeið fyrir unglinga. Mér finnst vanta ýmislegt upp á líkamsþjálfun unglinga, ásamt því að kunna hlaupa og bera sig rétt. Ég er alltaf að fá til mín íþróttamenn sem segja að þeir hefðu viljað læra gera þessa hluti fyrr á ferlinum, svo hér gefst þér tækifæri til að taka stórt skref.

Æfingarnar verða mjög fjölbreyttar, góð upphitun þar sem fókusað er á meiðslaforvarnir, liðleikaþjálfun, tökum styrktaræfingar (allt gert úti), vinnum með hlaupastíl, hraða, snerpu og sprengikraft.

Námskeiðin hefjast vikuna 4. Júní og er fyrir metnaðarfulla krakka 12 ára og eldri, sem vilja bæta sig í sinni íþróttagrein! Þetta er í 4 vikur og endar því föstudaginn 29. júní.

2x í viku: krónur 14.900
Mánudag og Miðvikudag kl. 11.00-12.00 eða 12.00-13.00

1x í viku: krónur 9.900
Þriðjudag kl. 14.00-15.00, og föstudag kl. 11.00 – 12.00

Verið óhrædd að senda mér línu ef einhver annar tími hentar betur það má alltaf skoða það – sérstaklega ef hópar koma saman J  Ég mun bara taka ákveðinn fjölda inn á hverja æfingu, svo gæðin fái að njóta sín –skráðu þig strax!

Æfingar verða upp á hlaupabrautinni á Kaplakrika (gæti haft einhverjar í Sporthúsinu – er að skoða það).

ÉG HEF FENGIÐ MIKIÐ AF FYRIRPURNUM VARÐANDI NÁMSKEIÐ SÍÐAR Í SUMAR - OG ER FARIN AÐ TAKA NIÐUR NÖFN SEM HAFA ÁHUGA, SVO EF ÞÚ HEFUR ÁHUGA Á NÁMSKEIÐI SÍÐAR Í SUMAR (ÁGÚST), SENDU MÉR ÞÁ LÍNU Á SILJA@SILJAULFARS.IS .

Það er til mikils að græða.

-        Tímataka í fyrsta og síðasta tímanum svo þú getir séð muninn

-        Styrktarprógram sem gera má heima hjá sér

-        Bættur hlaupastíll og aukinn hraði. Enginn fæðist með góðan hlaupastíl, hann lærist og hann má alltaf bæta.

-        Krakkarnir læra fjölbreyttar æfingar tengdar styrktarþjálfun, liðleikaþjálfun, hlaupastíl og hraða.

-        Ráðleggingar varðandi næringu

Þetta er engin spurning - fjárfestu í íþróttamanninum þínum!

Skráning og frekari upplýsingar veitir Silja í silja@siljaulfars.is

Kveðja Silja Úlfarswww.siljaulfars.is og á facebook

Hraða- og styrktaræfingar fyrir hlaupara

Aukaæfingin er ekki aðeins fyrir afreksíþróttamenn – heldur fyrir alla sem vilja bæta sig. Nú ætla ég að bjóða upp á aukaæfingu hlauparans : þar sem fókusað verður á hraðaþjálfun, hlaupa tækni og styrktarþjálfun utandyra.

Æfingarnar verða fjölbreyttar með góðum upphitunum sem fókusa á styrk og meiðslaforvörn, unnið verður að bæta hlaupastílinn, tökum styrktaræfingar úti – en það má ýmislegt gera utandyra, og auðvitað sprettum við og höfum gaman af fjölbreytileika hlaupaþjálfunar!

Í boði er 6 vikna námskeið á aðeins 9.900 krónur, tímabilið er 14. Maí – 24. Júní, en æfingarnar eru 1x í viku, upp á Hlaupabrautinni á Kaplakrika.

Tímarnir sem eru í boði:

6.15 á föstudögum
12.00 á föstudögum
18.15 á miðvikudögum

** Hver æfing er í klukkutíma :)

En það getur vel verið að aðrir tímar bætist við ... ef aðrir tímar henta betur, endilega hafið þá samband, það má alveg skoða það J

Innifalið:

-          Tímataka í fyrsta og síðasta tíma – Ég á sjálf tímatöku græjur sem við notumst við, en það er alltaf  gaman að sjá framfarir!

-          Fjölbreyttar æfingar: styrktaræfingar, liðleikaæfingar/teygjur, og stílæfingar sem bæta hlaupastílinn

-          Sprettir upp í 400m

-          Styrktar prógram sem gera má heima

-          Hlaupagreining – þar sem ég skoða ykkur á hlaupum og við reynum að laga veikleikana

Það er til mikils að græða:

-          Bættur hlaupastíll – enginn fæðist með góðan hlaupastíl, það er eitthvað sem lærist í gegnum tíðina, og má alltaf betrumbæta.

-          Styrkur – Í sprettum þá þurfa fleiri vöðvaþræðir að vinna og þar með styrkjast vöðvarnir, ásamt því að við tökum frábærar styrktar æfingar í lokin

-          Sprett og styrktaræfingar leiða til betri hlaupahagkvæmni (styttri snertitími)

-          Meiðslaforvörn – með góðri upphitun og bættum hlaupastíl

-          Þú verður hraðari – þú losnar undan tempóinu sem margir festast í!

-          Að spretta er góð „Brennslu æfing“, og þar með gætu síðustu kílóin gætu hörfað

-          Sprettúthaldið hjálpar þér með bætinguna í sumar, þegar þú tekur lokasprettinn!

Skráning og frekari upplýsingar veitir Silja í silja@siljaulfars.is. Þegar þú skráir þig mundu að taka fram í hvaða tíma.

Sjáumst hress hlaupasumarið 2012.

Kv. Silja Úlfarswww.siljaulfars.is
Endilega finndu siljaulfars.is á facebook svo þú missir ekki af neinu :)

Heimildir:

Fitzgerald, J. A. (2010, November 6). How to develop Sprinting speed as a Distance Runner. Runaddicts.com. Retrieved April 29, 2012, from http://www.runaddicts.net/start-to-run/how-to-develop-sprinting-speed-as-a-distance-runner

Liberman, A. (n.d.). Speedwork - Risks and Benefits. Marathon Training. Retrieved April 29, 2012, from http://www.marathontraining.com/faq/faq_sw.html

Magness, S. (2009). Sprint Training for Distance Runners. The Science of Running. Retrieved April 29, 2012, from http://www.scienceofrunning.com/2009/05/sprint-training-for-distance-runners.html

Morris, R. (n.d.). Running and Strength Training - Are They a Good Fit? Arguments for and against. RunningPlanet. Retrieved April 29, 2012, from http://www.runningplanet.com/training/running-and-strength-training.html

Hér er meðal annars rannsókn sem sýnir að sprett úthalds æfingar borgi sig. „In conclusion, athletes from disciplines involving periods of intense exercise can benefit from the inclusion of speed endurance sessions in their training programs.“ (2010, Iaja FM, Bangsbo J.) http://www.ncbi.nlm.nih.gov/pubmed/20840558

Sigurvegararnir eru ....

Jæja þá er þetta komið í ljós, búin að draga úr stórum hópi frábærra íþróttamanna úr öllum íþróttagreinum!

Aðeins tveir geta hreppt "stóra" vinninginn, það er frí þjálfun hjá mér, Adidas fötin, fæðubótaefnin frá Líkama og Lífsstíl, og mánaðarkort í Sporthúsið. Ég dró út stelpu og strák þar sem mig langar að sjá hvað þau geta bætt sig mikið.

Upp úr pottinum komu

Gísli Páll Helgason – knattspyrna
Þorgerður Anna Atladóttir – handbolti

Og mun ég senda þeim línu og við munum byrja sem fyrst :) En ég/við munum blogga um æfingarnar og hvernig gengur hjá okkur á æfingunum og allt í kringum þetta ef þið viljið fylgjast með, þá fylgist þið með þessari síðu :) 
 http://siljaulfars.is

Ég fékk umsóknir úr svo mörgum íþróttagreinum og hefði alveg viljað prófa að þjálfa íþróttamenn úr greinum sem ég hef ekki þjálfað áður, svo ég dró aukalega 3 íþróttamenn sem mig langar að bjóða að mæta á æfingar hjá mér í mánuð, svo lengi sem þið komist á þeim tímum sem ég er að þjálfa J Ég mun senda ykkur email J

Stefán Pálsson – fimleikar
Arnar Snær Hákonarson – golfari
Pétur S. Sigurgeirsson – maraþon

Ef þú vilt bæta þig í hraða og sprengikraft, líkamsstjórnun og/eða læra að hlaupa ... þá heyrirðu í mér
 silja@siljaulfars.is 

Ég á laus pláss í eftirfarandi tíma, en það eru 4-6 í hverjum tíma:
Mánudögum kl. 10 og 11
Þriðjudögum kl. 11
Miðvikudögum kl. 10
Fimmtudögum kl. 11

Ef þið viljið skoða einhverja aðra tíma þá heyrið þið bara í mér, silja@siljaulfars.is

Einnig hef ég verið með nokkra íþróttamenn í fjarþjálfun í hraða- og sprengikrafts þjálfun ef það myndi henta þér þá heyrirðu í mér J Þá hittumst við 1x og tökum tímann á ykkur og lærum helstu atriði og allar æfingarnar!

Læt þetta duga í bili - Aftur takk fyrir þátttökuna allir!

silja@siljaulfars.is

http://siljaulfars.is

Silju Challenge...

Ég er að leyta af nokkrum metnaðarfullum íþróttamönnum til að taka þátt í 30 daga „æfingabúðum“. Mig langar að vita hversu mikið er hægt að bæta hraðann sinn og sprengikraft á einum mánuði, svo nú vantar mig sjálfboðaliða.

Ég mun testa íþróttamennina í stuttum sprettum með tímatöku tæki sem ég á, ásamt því að við munum taka nokkur hopptest.

Þátttakendur munu æfa frítt undir minni leiðsögn, fá mánaðarkort í Sporthúsið, fatnað frá ADIDAS, fæðubótavörur frá Líkama og Lífsstíl, ásamt því að íþróttamenn fá aðgang að sjúkraþjálfara og næringarfræðing.

Þú skráir þig með því að senda mér email á Silja@siljaulfars.is, settu „30 dagar“ í Subject, taktu fram Nafn, Aldur og Íþróttagrein.

Á laugardag mun ég draga heppna íþróttamenn sem fá Silju dekur frítt í mánuð, en við byrjum strax í næstu viku.

Til mikils að vinna J

Silja Úlfars

Skandall

Djöfulsins skandall er þetta... ég fór á Vík síðustu helgi og náði ekki að búa til bloggin fyrir fram og missti allt niður um mig ... eins og ég var búin að standa mig í 23 daga :) það er þá metið mitt haha!

En ég fór á Vík með frjálsíþróttahópinn minn þar sem við eignuðumst 19 Íslandsmeistara og urðu Íslandsmeistarar í 4 flokkum af 8, og unnum heildarstigakeppnina - alveg frábær árangur!

En það er búið að vera rosalega gaman að vera í svona blogg challenge, getur verið smá vinna líka þar sem ég á ekki marga lausa klukkutíma í sólarhringnum nú fyrir ... en ég ætla auðvitað að halda áfram - en kannski fara niður í 4rða gír :)

Núna er allt á milljón hjá kellu, er að fara á Gautaborga leikana með frjálsíþrótta hópinn minn á miðvikudaginn og hlakka ég mikið til að sjá þau keppa og skemmta sér í Svíþjóð! Ég mun svo hætta með þennan hóp eftir ferðina, en ég hef þjálfað þau í 3 ár, 4-5x í viku, svo það verður tilbreyting að hitta ekki þessa skemmtilegu krakka reglulega!

Er á fullu núna að koma frá mér prógrömmum og hitta alla kúnnana mína áður en ég fer út, er að þjálfa marga í fjarþjálfun sem er brilliant, þar nota ég Sideline þjálfunar forritið http://sidelinesports.com/ sem er brill, þá fá íþróttamennirnir prógrömm frá mér í gegnum það, með útskýringum á öllum æfingunum, og ég get fylgst með hvort þau séu að mæta eða ekki :)

En jæja best að snúa sér að Sideline, þarf að gera nokkur prógrömm fyrir íþróttamenn sem stunda körfubolta, fótbolta, handbolta, badminton og nokkur meiðslaprógrömm ... bara gaman að vinna svona fjölbreytt starf :)

Hafið það gott :) Kem með eitthvað djúsí sem fyrst!

kv. Silja